Райан Гиггз: “Ливерпуль” фантастик ўйин кўрсатаяпти, дейиш осон эмас”

“Манчестер Юнайтед”нинг собиқ футболчиси, айни пайтда Уэльс терма жамоаси бош мураббийи Райан Гиггз “Ливерпуль”нинг 2019/2020 йилги мавсумда кўрсатаётган ўйинлари ҳақида ўз фикрини билдирди.

“Коронавирус пандемиясидан кейин биз кўплаб саволларга жавоб топамиз. Аммо жорий мавсум ажойиб мураббийи Юрген Клопп бошқараётган “Ливерпуль” бетакрор жамоа эканлигини кўрсатиб берди. “Юнайтед” мухлиси сифатида улар бу мавсум фантастик ўйин кўрсатаётганлигини тан олиш бироз ўнғайсиз ҳолат. “Ливерпуль” чиройли ўйин кўрсатишда давом этиб, Англия чемпионлигига эришиш кўриниб турибди. Жамоа бу совринга ҳар томонлама лойиқ. Умуман олганда улар икки мавсумдан буён барқарор ўйин кўрсатишмоқда. Ўтган йили ҳам улар “Сити”га жиддий босим ўтказишганди”, дея Гиггзнинг сўзларидан иқтибос келтирмоқда Sky Sports.

Манба : Sky Sports