"Ювентус" Коутиньонинг хизматларига қизиқмоқда

"Ювентус" "Барселона" ярим ҳимоячиси Филиппе Коутиньони нишонга олди.

Бу ҳақда итальян нашрлари хабар бермоқда. Туринликлар ортиқ хавбек Артур Мело вариантини кўриб чиқишмаяпти.

"Ювентус" ҳозирда "Бавария"да ижара асосида ўйнаётган Коутиньо билан шартнома имзоламоқчи. Футболчининг Миралем Пьянич билан бўладиган битимга кириши ҳам эҳтимолдан йироқ эмас.

Коутиньо жорий мавсум клуб даражасидаги барча мусобақаларда 33та ўйинда майдонга тушиб, 9та гол ва 8та ассист қайд этди.

Манба : calciomercato.com