புலம்பெயா்ந்த தொழிலாளா்களிடம் பயணக் கட்டணம் வசூலிக்கக் கூடாது

ரயில் அல்லது பேருந்து மூலமாக சொந்த மாநிலங்களுக்குத் திரும்புவதற்கான பயணக் கட்டணத்தை புலம்பெயா்ந்த தொழிலாளா்களிடமிருந்து மாநிலங்கள் வசூலிக்கக் கூடாது என்று உச்சநீதிமன்றம் உத்தரவிட்டுள்ளது.

நாடு முழுவதும் அமல்படுத்தப்பட்ட பொது முடக்கம் காரணமாக சொந்த மாநிலங்களுக்குத் திரும்ப முடியாமல் புலம்பெயா்ந்த தொழிலாளா்கள் கடும் அவதிக்கு உள்ளாகினா். தொழிலாளா்கள் பலா் நடந்தே சொந்த ஊா்களுக்குத் திரும்ப முயன்றனா். இந்நிலையில், புலம்பெயா்ந்த தொழிலாளா்கள் தொடா்பான விவகாரத்தை உச்சநீதிமன்றம் தானாக முன்வந்து விசாரித்து வருகிறது.

இந்த விவகாரம் தொடா்பான விசாரணை, நீதிபதிகள் அசோக் பூஷண், எஸ்.கே.கௌல், எம்.ஆா்.ஷா ஆகியோா் அடங்கிய அமா்வு முன் வியாழக்கிழமை காணொலிக் காட்சி வாயிலாக மீண்டும் நடைபெற்றது. அப்போது நீதிபதிகள் பிறப்பித்த இடைக்கால உத்தரவில் கூறப்பட்டுள்ளதாவது:

நாடு முழுவதும் மாா்ச் 25-ஆம் தேதி முதல் பொது முடக்கம் அமல்படுத்தப்படுவது குறித்து 4 மணி நேரத்துக்கு முன்பாக மட்டுமே தகவல் தெரிவிக்கப்பட்டது. அதையடுத்து போக்குவரத்து வசதிகள் முடங்கியதன் காரணமாக லட்சக்கணக்கான புலம்பெயா்ந்த தொழிலாளா்கள் தாங்கள் பணியாற்றி வந்த மாநிலங்களிலேயே சிக்கிக் கொண்டனா்.

அவா்களுக்கு உணவு, குடிநீா் உள்ளிட்ட அத்தியாவசியத் தேவைகளும் கிடைக்கவில்லை. அதனால், நடந்தே சொந்த ஊா்களுக்குத் திரும்ப வேண்டிய பரிதாப நிலைக்கு அவா்கள் தள்ளப்பட்டனா். புலம்பெயா்ந்த தொழிலாளா்களின் நலனுக்காக மாநில அரசுகளும் யூனியன் பிரதேச நிா்வாகங்களும் நடவடிக்கைகளை மேற்கொண்டு வருவதில் எந்தவித சந்தேகமும் இல்லை.

ஆனால், அந்த நடவடிக்கைகளில் சில குறைபாடுகள் காணப்படுகின்றன. முக்கியமாக புலம்பெயா்ந்த தொழிலாளா்களை சொந்த மாநிலங்களுக்கு அனுப்புவதற்கான பதிவு நடவடிக்கைகள், அவா்களுக்கு போக்குவரத்து வசதிகளை ஏற்படுத்தித் தருவது, உணவு, குடிநீா் வழங்குவது போன்றவற்றில் குறைபாடுகள் காணப்படுகின்றன.

தொழிலாளா்களுக்கான தங்குமிடங்கள்: புலம்பெயா்ந்த தொழிலாளா்கள் தொடா்பான விவரங்களைப் பதிவு செய்து, அவா்கள் சொந்த ஊா் திரும்பும் வரை தங்குமிடம், உணவு உள்ளிட்ட அத்தியாவசியத் தேவைகளை சம்பந்தப்பட்ட மாநிலங்களும் யூனியன் பிரதேசங்களும் ஏற்படுத்தித் தர வேண்டும். தொழிலாளா்களுக்காக ஏற்படுத்தப்பட்டுள்ள தங்குமிடங்கள் குறித்த விவரங்களை அவா்களுக்குத் தெரியப்படுத்த வேண்டும்.

அரசிடம் பதிவு செய்த தொழிலாளா்கள் சொந்த மாநிலங்களுக்குத் திரும்ப நீண்ட நாள்கள் காத்திருக்க வேண்டிய சூழல் நிலவி வருகிறது. அவா்களைக் கூடிய விரைவில் அனுப்பி வைப்பதற்கான போக்குவரத்து வசதிகளை சம்பந்தப்பட்ட மாநிலங்கள் துரிதமாக ஏற்பாடு செய்ய வேண்டும். அவ்வாறு ரயில் அல்லது பேருந்து மூலமாக சொந்த மாநிலங்கள் திரும்பும் தொழிலாளா்களிடமிருந்து பயணக் கட்டணத்தை மாநிலங்கள் வசூலிக்கக் கூடாது.

தொழிலாளா்களுக்கான பயணக் கட்டணத்தை யாா் செலுத்துவது என்பது தொடா்பான கொள்கை வகுக்கப்பட வேண்டும்.

பயணத்தின்போதும் உணவு: புலம்பெயா்ந்த தொழிலாளா்களை ரயில் மூலம் அனுப்பி வைக்கும் மாநிலங்கள் அவா்களுக்கான உணவு, குடிநீரை வழங்க வேண்டும். பயணத்தின்போது ரயில்வே நிா்வாகம் அவா்களுக்கு உணவு வழங்க வேண்டும். சொந்த ஊா்களுக்கு நடந்து செல்லும் தொழிலாளா்களைத் தடுத்து நிறுத்தி, அவா்களை உடனடியாக தங்குமிடங்களுக்கு அழைத்துச் சென்று உணவு வழங்கி போக்குவரத்து வசதிகளை ஏற்படுத்தித் தர வேண்டும்.

மாநிலங்களின் கோரிக்கைக்கு ஏற்ப ரயில்வே நிா்வாகம் போதுமான ரயில்களை இயக்க வேண்டும். அனுப்பி வைக்கப்படும் புலம்பெயா்ந்த தொழிலாளா்களை சில மாநிலங்கள் ஏற்க மறுத்து வருகின்றன. இந்த விவகாரம் தொடா்பாக விரிவான கொள்கைகள் வகுக்கப்பட வேண்டும் என்று நீதிபதிகள் தெரிவித்தனா்.

வழக்கின் அடுத்தகட்ட விசாரணையை ஜூன் 5-ஆம் தேதிக்கு நீதிபதிகள் ஒத்திவைத்தனா்.

3,700 ரயில்கள்: முன்னதாக, மத்திய அரசு சாா்பில் ஆஜரான சொலிசிட்டா் ஜெனரல் துஷாா் மேத்தா வாதிடுகையில், ‘‘புலம்பெயா்ந்த தொழிலாளா்கள் நடந்து சென்றால், அவா்களுக்கு போக்குவரத்து வசதிகளை ஏற்படுத்தித் தர வேண்டுமென்று மாநிலங்களுக்கு வலியுறுத்தப்பட்டுள்ளது. தொழிலாளா்களுக்காக மே 1-ஆம் தேதி முதல் மே 27-ஆம் தேதி வரை 3,700 ரயில்கள் இயக்கப்பட்டுள்ளன.

பல மாநிலங்களில் சிக்கியுள்ள புலம்பெயா்ந்த தொழிலாளா்களில் 80 சதவீதம் போ் உத்தர பிரதேசம், பிகாா் மாநிலங்களைச் சோ்ந்தவா்கள் ஆவா். தொழிலாளா்களுக்கென அனைத்து மாநிலங்களும் நிவாரண முகாம்களை அமைத்து உணவு உள்ளிட்ட அத்தியாவசியப் பொருள்களை வழங்கி வருகின்றன.

‘சுமையாக இருக்காது’: தொழிலாளா்களுக்கான பயணக் கட்டணத்தில் ஒரு பகுதியை அவா்களை அனுப்பி வைக்கும் மாநிலங்களோ அல்லது சென்றடையும் மாநிலங்களோ ஏற்றுக் கொண்டுள்ளன. அந்தக் கட்டணத்தை மாநிலங்கள் ரயில்வேக்கு செலுத்தி வருகின்றன. தொழிலாளா்களிடம் பெறப்பட்ட பணம் திரும்பச் செலுத்தப்பட்டு வருகிறது. சொந்த மாநிலங்களுக்குத் திரும்பும் தொழிலாளா்களுக்குப் பயணக் கட்டணம் சுமையாக இருக்காது.

தனிமைப்படுத்தும் மையங்கள்: தொழிலாளா்கள் சொந்த மாநிலங்களுக்குத் திரும்பிய பிறகு தனிமைப்படுத்துதல், கரோனா நோய்த்தொற்றுக்கான பரிசோதனை மேற்கொள்ளுதல் உள்ளிட்டவற்றையும் மாநில அரசுகள் மேற்கொண்டு வருகின்றன. உத்தர பிரதேசத்தின் தனிமைப்படுத்தும் மையங்களில் உள்ள தொழிலாளா்களுக்கு உணவு, குடிநீா், மருந்து உள்ளிட்டவற்றை மாநில அரசே வழங்கி வருகிறது. தனிமைப்படுத்தும் காலம் நிறைவடைந்த பிறகு அவா்கள் சொந்த ஊா்களுக்குத் திரும்புவதற்கான பேருந்து வசதிகளையும் மாநில அரசு ஏற்பாடு செய்து வருகிறது’’ என்றாா்.