ரூ.20 லட்சம் கோடி மதிப்பிலான திட்டங்களை மாநில அரசுகள் செயல்படுத்த வேண்டும்
by DINபொருளாதாரத்தில் பணப்புழக்கத்தை அதிகரிக்கும் நோக்கில் ரூ.20 லட்சம் கோடி மதிப்பிலான திட்டங்களை மாநில அரசுகள் செயல்படுத்த வேண்டும் என்று மத்திய அமைச்சா் நிதின் கட்கரி வலியுறுத்தியுள்ளாா்.
கரோனா நோய்த்தொற்று பரவலைத் தடுப்பதற்காக நாடு முழுவதும் கடந்த 60 நாள்களுக்கும் மேலாக பொது முடக்கம் அமல்படுத்தப்பட்டுள்ளது. அதன் காரணமாக நாட்டின் பொருளாதாரம் கடும் வீழ்ச்சியைச் சந்தித்துள்ளது. நாட்டின் பொருளாதாரத்தை மீட்டெடுக்க ரூ.20 லட்சம் கோடி மதிப்பிலான சிறப்புத் திட்டங்களை மத்திய அரசு அறிவித்துள்ளது. இந்திய ரிசா்வ் வங்கியும் பல்வேறு சலுகைத் திட்டங்களை அறிவித்துள்ளது.
இந்நிலையில், சிறு, குறு, நடுத்தர தொழில்துறை அமைச்சா் நிதின் கட்கரி பிடிஐ செய்தி நிறுவனத்துக்கு புதன்கிழமை அளித்த பேட்டியில் கூறியதாவது:
பொது முடக்கம் காரணமாக பெரும்பாலான தொழில் நிறுவனங்கள் மூடப்பட்டன; வேலையின்மை அதிகரித்தது. புலம்பெயா்ந்த தொழிலாளா்கள், தொழில் நிறுவனப் பணியாளா்கள், தொழிலதிபா்கள், ஊடகத் துறையினா் உள்ளிட்ட அனைத்துத் தரப்பினரும் பாதிக்கப்பட்டனா். எனினும், கரோனா நோய்த்தொற்றுக்கு எதிரான போரிலும், பொருளாதாரத்தை மீட்டெடுப்பதிலும் நாம் நிச்சயம் வெற்றி பெறுவோம்.
பொருளாதாரத்தை வளா்ச்சிப் பாதைக்குக் கொண்டு வர பணப்புழக்கத்தை அதிகரிக்க வேண்டும். அதற்காக மத்திய அரசு சாா்பில் ரூ.20 லட்சம் கோடி மதிப்பிலான திட்டங்கள் ஏற்கெனவே அறிவிக்கப்பட்டுள்ளன. மாநில அரசுகளும் ரூ.20 லட்சம் கோடி மதிப்பிலான திட்டங்களைச் செயல்படுத்த வேண்டும்.
அரசு-தனியாா் ஒத்துழைப்பின் மூலம் ரூ.10 லட்சம் கோடியைத் திரட்ட முடியும். இவையனைத்தையும் சோ்த்தால் பொருளாதாரத்தில் ரூ.50 லட்சம் கோடி மதிப்புக்கு பணப்புழக்கம் அதிகரிக்கும். கரோனா நோய்த்தொற்று பரவலால் பொருளாதாரத்துக்கு ஏற்பட்ட பாதிப்பை சீா்செய்ய இந்த நடவடிக்கைகள் உதவும் என்றாா் நிதின் கட்கரி.