بسبب تعليق إحدى المتابعات .. حملة تعاطف من نجوم الفن مع رامى جمال
by يوسف ديابتعاطف عدد كبير من نجوم الفن مع الفنان رامى جمال بعد تعليق عدائى من معجبة ضده.
إنفوجراف : روشتة هانى الناظر .. 10 خطوات تحميك من كورونا
وتلقى رامى جمال تعليقا من إحدى المتابعات تسبب فى إزعاجه، قالت فيه: "روح أتعالج يا رامى من البهاق.. ألبوم إيه أنت مش بتحقق لا مشاهدات ولا إيرادات وفر فلوسك فى العلاج"، ليرد عليها: "النوع دا من البشر منتشر أوى، شوفت عند صديق ليا لاعب كرة قدم ما شابه العينة دى، عاوز أقولكم أنتم ولسانكم أصعب ڤيروس، ماحدش هيعيش للأبد ولينا رب نختصم بعض عنده، يارب تكونوا مبسوطين".
وانهالت التعليقات على تصرف المتابعة، للتخفيف من قسوة الكلمات، فقالت ناريمان زوجة رامى جمال: "منك لله بوظتيلى بوست للمفاجأة بتاعتى، حبيبى معقول ممكن شئ زى دا يشغل تفكيرك ثانية يعنى؟ أكيد مش ممكن وواضح جدا للجميع مين اللى محتاج يتعالج يعنى واضحة أهى".
وقالت أنغام: "ربنا يخلصنا من الأشكال دى ناس بتكره نفسها وبتكره الحياة".
وعلق الفنان خالد عليش: "ياه بقابل من دول كتير، يا باشا بلوك على طول ولا كأنك قريت حاجة"، فيما ردت الإعلامية ياسمين الخطيب: "مساكين والله، دول لا يجوز عليهم سوى الدعاء بالشفاء لقلوبهم المليئة بالعلل".
وقالت الفنانة إيمان العاصى: "أقل من أنك تعملها بوست دا أنا بنتى العيلة الصغيرة مش سايبنها فى حالها".
وكان رامى جمال أعلن إصابته بالبهاق فى نوفمبر الماضى، بعد محاولات متكررة لإخفاء وعلاج البقع البيضاء، التى تتزايد معدلاتها فى الجسم كلما زادت الضغوطات والمُضايقات النفسية، وقال لأول مرة عن المرض: "الحمد لله الذى أحبنى فابتلانى وأقدرنى على الصبر، من فترة ظهرت بقع بيضا فى جسمى وبالكشف عرفت إنه مرض البهاق، وجربت أنواع علاج كتير ودكاترة كتير ومفيش فايدة".