தனுஷ் நடித்த கர்ணன் படம் வெளியான பிறகு கொண்டாடுவீர்கள்!
by DINபரியேறும் பெருமாள் படத்தை இயக்கிக் கவனம் பெற்ற இயக்குநர் மாரி செல்வராஜின் அடுத்தப் படத்தில் கதாநாயகனாக நடித்துள்ளார் தனுஷ்.
கர்ணன் என்று பெயரிடப்பட்டுள்ள இப்படத்தை தாணு தயாரித்துள்ளார். இந்தப் படமும் தனது முதல் படம் போல முக்கியமான பிரச்னையைப் பேசும் என்கிறார் மாரி செல்வராஜ். இப்படத்தின் படப்பிடிப்பு பிப்ரவரி மாதம் நிறைவுபெற்றது. கார்த்திக் சுப்புராஜ் இயக்கத்தில் தனுஷ் நடித்துள்ள ஜகமே தந்திரம் படத்துக்குப் பிறகு கர்ணன் படம் வெளிவரவுள்ளது. இசை - சந்தோஷ் நாராயணன்.
இந்தப் படத்தில் மூன்று கதாநாயகிகள் நடிக்கிறார்கள். மலையாள நடிகை ரஜிஷா விஜயன், 96 புகழ் கெளரி, லக்ஷ்மி குறும்படப் புகழ் லட்சுமி ப்ரியா சந்திரமெளலி ஆகியோர் இப்படத்தில் நடிக்கிறார்கள். ஜுன், ஃபைனல்ஸ், ஸ்டாண்ட் அப் படங்கள் நடித்த ரஜிஷா நடிக்கும் முதல் தமிழ்ப் படம் இது.
கர்ணன் படத்தில் பங்கேற்றுள்ள நடிகரும் ஒளிப்பதிவாளருமான நட்டி என்கிற நடராஜன், கர்ணன் படம் பற்றி கூறியதாவது:
மாரி செல்வராஜ் ஆகச் சிறந்த இயக்குநர். படம் வெளியான பிறகு கொண்டாடுவீர்கள் என்று பாராட்டியுள்ளார்.
