Yanzu-yanzu: Allah ya yiwa Sa'in Bichi, Hakimin Dambatta, Dr. Wada Ibrahim Waziri, rasuwa

Inna liLLAhi wa inna IlaHI Raji'un! Allah ya yiwa Dr. Wada Ibrahim Waziri, Sa'in Bichi kuma Hakimin Dambatta, rasuwa ranar Laraba, 27 ga watan Mayu, 2020. The Nation ta ruwaito.

Rahoton ya bayyana cewa dattijon ya rasu ne bayan gajeruwar jinya yana mai shekara 89 a duniya.

Marigayi Hakimin Dambatta dan gidan sarauta ne kuma yayi karatunsa na fari a makarantar birnin Kano gabanin samun yancin kan Najeriya.