औरंगाबाद जिल्ह्यात 30 नव्या करोनाबाधितांची नोंद, एकूण रुग्ण संख्या 1360 वर

आज आढळलेल्या रुग्णांमध्ये 9 महिला व 21 पुरुषांचा समावेश.

राज्यातील करोनाचा प्रादुर्भाव दिवसेंदिवस अधिकच वाढत आहे. मुंबई, पुणे पाठोपाठ औरंगाबादमध्येही करोना रुग्ण संख्या झपाट्याने वाढताना दिसत आहे. यामुळे अगोदरच रेड झोनमध्ये समावेश असलेल्या औरंगाबाद जिल्ह्यातील नागरिकांमध्ये चिंतेचे वातावरण निर्माण झाले आहे.

औरंगाबाद जिल्ह्यात आज 30 कोरोनाबाधित रुग्णांची वाढ झाल्याने, जिल्ह्यातील कोरोनाबाधितांची एकुण संख्या 1360 झाली असल्याची जिल्हा प्रशासनाने माहिती दिली आहे. आज आढळलेल्या 30 रुग्णांमध्ये 9 महिला व 21 पुरुषांचा समावेश आहे.

तर, देशात मागील 24 तासत 6387 नवे करोनाबाधित रुग्ण आढळले असून 170 जणांचा मृत्यू झाला आहे. यासोबतच देशातील करोनाबाधित रुग्णांची संख्या 1 लाख 51 हजार 767 वर पोहोचली आहे. तर मृतांची संख्या 4337 इतकी झाली आहे. सध्या देशात करोनाचे 83 हजार अॅक्टिव्ह रुग्ण आहेत. दरम्यान 64 हजार 425 जणांना उपचार करुन घरी सोडण्यात आलं आहे. केंद्रीय आरोग्य मंत्रालयाकडून ही आकडेवारी जारी करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.