“Bavariya” Germaniya chempionatining 28-turida “Borussiya D”ni mag‘lubiyatga uchratdi (1:0).
Foto: “Bavariya”
Bu myunxenliklar ustozi Hans-Diter Flik uchun “Bavariya” boshqaruvida 18-o‘yindagi 15-g‘alaba bo‘ldi. Germaniyalik mutaxassis jamoa tarixida Xosep Gvardioladan keyin mazkur natijaga erishgan ikkinchi murabbiy bo‘ldi. 2013—2016-yillar mobaynida “Bavariya”ni boshqargan ispaniyalik murabbiy hozirda “Manchester Siti” ustozi hisoblanadi.
Flik 2019-yilning yozida “Bavariya”ning o‘sha vaqtdagi ustozi Niko Kovachning yordamchisi etib tayinlangandi. Noyabr oyida mutaxassis iste’foga chiqarilgan Kovachning o‘rnini egalladi.
Yozua jarima maydoni tashqarisida "parashyut" zarba yo‘llab hisobni ochdi
⚽️@FutGol_UZ📺
Eslatib o‘tamiz, koronavirus sabab mart oyida to‘xtab qolgan Bundesliga joriy mavsumi may oyi o‘rtalaridan qayta tiklandi. Hozirda “Bavariya” 64 ochko bilan yetakchilikni qo‘lga olgan holda eng yaqin ta’qibchisini 7 ochkoga ortda qoldirmoqda.
