"Милан"нинг шорт-листида "Наполи" ва "Реал" ҳужумчилари бор

"Милан" мавсумлар оралиғида марказий ҳужумчи билан шартнома имзоламоқчи.

Хабарларга кўра, италияликларнинг шорт-листидан форвардлар Лука Йович ("Реал") ва Аркадиуш Милик ("Наполи")лар ўрин эгаллаган.

"Реал" 22 ёшли серб учун камида 40-50 миллион евро талаб қилмоқда. Ўйинчи айни дамда йилига 5 миллион евро маош олади, "Милан"да эса маошининг пасайишига рози бўлиши керак.

26 ёшли польшалик футболчига келсак, 2021 йилнинг ёзига қадар клуб билан шартнома имзоланган. Аммо, неаполликлар президенти Аурелио Де Лаурентис ҳар қандай ҳолатда ҳам футболчини арзонга қўйиб юбормайди.

Манба : La Gazzetta dello Sport