Вайна без ружовых акуляраў: Arche прапануе выданні, прысвечаныя Другой сусветнай

Дзень Перамогі 9 мая — прыдатная нагода задумацца над тым, якім коштам яна далася беларусам, і што наагул адбывалася на нашай зямлі ў час апошняй вялікай вайны.

Грунтоўныя, ідэалагічна незашораныя адказы на гэтыя пытанні можна знайсці ў выданнях Arche, прысвечаных Другой сусветнай вайне, якія прапануюцца вашай увазе.

Тэмы, якія раскрываюцца ў выданнях:

• нацысцкія пункты гледжання на Беларусь;
• немцы і беларускія нацыяналісты напярэдадні нацысцкага ўварвання ў СССР;
• нацысцкі рэжым у Беларусі (адміністрацыя на цэнтральным і лакальных узроўнях, эканамічная палітыка);
• дзейнасць пранямецкіх арганізацый (Саюз беларускай моладзі, Беларуская народная самапомач, Беларуская самаахова, Беларуская краёвая абарона);
• Крыж і свастыка: калабарацыя царквы ў акупаванай Беларусі;
• Арганізацыя і баявы шлях беларускай дывізіі Вафен-СС (30-ая грэнадзёрская дывізія Вафен-СС);
• Штодзённае жыццё беларусаў пад нямецкай акупацыяй.

Выданні ілюструюцца ўнікальнымі фотаматэрыяламі — нямецкімі прапагандысцкімі плакатамі, фотаздымкамі мірнага насельніцтва й ландшафтаў Беларусі 1941-1944.

Пабачыць спіс выданняў і даведацца, як іх атрымаць можна на сайце Arche.

Хочаш падзяліцца важнай інфармацыяй ананімна і канфідэнцыйна?