Daryo.uz | Rasmiy kanal

Xiaomi hamyonbop smartfon narxidagi televizorni sotuvga chiqardi

Xiaomi Mi TV Pro lineykasidagi yangi televizorni taqdim etdi, deb yozadi Hi-Tech.Mail.ru.

https://s.daryo.uz/wp-content/uploads/2020/05/%D0%91%D0%B5%D0%B7-%D0%BD%D0%B0%D0%B7%D0%B2%D0%B0%D0%BD%D0%B8%D1%8F-68.jpg
Foto: Gizchina

Mi TV Pro 32 ekrani o‘lchami 32 dyuym. Biroq eski modellardagi 4K o‘rnini Full HD egalladi. Bunday qaror qurilma narxining arzon bo‘lishini ta’minladi.

Televizor XiaoAI ovozli yordamchisini qo‘llab-quvvatlaydi. Mi TV Pro televizor ichiga to‘rt yadroli protsessor va 8 gigabaytli karta o‘rnatilgan. Ovoz ikkita 6 vattli dinamika bilan ta’minlanadi.

Qurilma Bluetooth 4.0 va 2,4 gigagertsli Wi-Fi’ni qo‘llab-quvvatlaydi. Televizorda ikkita USB porti, ikkita HDMI hamda antenna ulash uchun konnektor mavjud.

Hozircha Xiaomi Mi TV Pro faqat Xitoy bozorida sotuvga chiqarilgan. Uning narxi 899 yuan — 126 AQSh dollari.