2 Santos pinirata ng Growling Tigers

MULA Technological Institute of the Philippines (TIP), lumundag sina Bryan Santos at Ivan Santos sa UST Growling Tigers.

Ito ay matapos silang piliin ni UST head coach Aldin Ayo para maging kasapi at mapunan ng big men ang kanilang koponan.

“Ever since, big man ang problema namin sa UST. ‘Yung mga bigs namin, undersized kaya welcome sa amin ang ganitong mga recuits. Yung ibang bigs namin, makaka-slide na sila sa three-spot,” ani Ayo sa panayam ng Spin.ph.

Malaking puntos naman ang dalawang Santos dahil magugunitang nagmarka sila ng magandang average noong nakaraang 2019 PBA D-League Foundation Cup.

Nagpakawala si 6-foot-5 forward Bryan ng 16.3 points, 6.9 rebounds at 2.1 assists habang si Ivan naman ay nagtala ng 8.9 points at 4.7 rebounds kada laro. (Aivan Episcope)