Alyssa dumakdak!

HINDI lang sa volleyball petmalu si Creamline Cool Smashers MVP Alyssa Valdez kundi pati na rin sa basketball matapos nitong ipakita ang kanyang dunk skill.

Sa kanyang Instagram post, ipinamalas ng volleyball superstar ang kanyang two-handed dunk mula sa isang alley-oop pass mula kay PBA player Kiefer Ravena.

Namangha naman ang ilang mga fan sa two-handed slam ng beteranang balibolista.

Samantala, nagpasikat rin ang dalawang phenom sa kanilang volleyball-basketball connection slow motion footage.

Isang volleyball toss ang kinonekta ni Valdez para sa one-handed dunk ng NLEX Road Warriors star.

Caption ni Ravena, “we tried our own thing #QuarantineChallenge and #YouCantStopUs. Advance Monthsary post. I love you.” (JAT)