2020 йилнинг биринчи чорагида мигрантларнинг пул ўтказмалари 19 фоизга қисқарган

Қирғизистоннинг “Кабар” агентлиги тарқатган хабарда айтилишича, 2020 йилнинг биринчи чорагида Қирғизистонга жўнатилаётган пул ўтказмалари миқдори сезиларли равишда қисқарган.
Қирғизистон Республикаси миллий банки раиси Тўлқинбек Абдигуловнинг маълум қилишича, 2020 йилнинг биринчи чорагида жисмоний шахсларнинг Қирғизистонга жўнатган маблағлари 343 миллион долларни ташкил этган. Бу 2019 йилнинг шу даври билан таққослаганда 19 фоизга камдир.
“Мигрантларнинг пул ўтказмалари қисқариши аҳоли истеъмолининг ўсишига салбий таъсир кўрсатади”, — деди у.