தமிழகத்தில் இன்று ஒரே நாளில் 817 பேருக்கு கொரோனா உறுதி!
by saravanamanojதமிழகத்தில் கொரோனாவால் பாதிக்கப்பட்டோர் எண்ணிக்கை 18,545 ஆக அதிகரித்துள்ளது.
தமிழகத்தில் இன்று ஒரே நாளில் 817 பேருக்கு கொரோனா தொற்று கண்டறியப்பட்டுள்ளது. இதில் வெளிமாநிலங்கள் மற்றும் வெளிநாடுகளில் இருந்து வந்தவர்கள் 139 பேரும் ( மகாராஷ்ட்ரா 138 பேர் , கேரளா 1 ) அடக்கம். இதனால் தமிழகத்தில் மொத்த பாதிப்பு எண்ணிக்கை 18,545 ஆக உயர்ந்துள்ளது.
பலி எண்ணிக்கை:
தமிழகத்தில் இன்று 6 பேர் உயிரிழந்தனர். இதனால் மொத்த பலி எண்ணிக்கை 133 ஆக உயர்ந்துள்ளது. இன்று உயிரிழந்தவர்களில் 4 பேர் சென்னையை சேர்ந்தவர்களும் செங்கல்பட்டு மாவட்டத்தில் ஒருவர் மற்றும் திருவள்ளூர் மாவட்டத்தை சேர்ந்த ஒருவர் ஆகும்.
10,000ஐ நெருங்கும் டிஸ்சார்ஜ் எண்ணிக்கை :
தமிழகத்தில் இன்று கொரோனாவால் பாதிக்கப்பட்ட 567 பேர் குணமடைந்து வீடு திரும்பினர். இதனால் இதுவரை தமிழகத்தில் குணமடைந்தோரின் எண்ணிக்கை 9,909 ஆக அதிகரித்தது. தற்போது 8,500 பேர் சிகிச்சை பெற்று வருகின்றனர்.
கொரோனா பாதிப்பு - பாலின வாரியான விவரம்:
தமிழகத்தில் இதுவரை கொரோனா தொற்று உறுதியான 18,545 பேரில், 11,725 பேர் ஆண்கள், 6,815 பேர் பெண்கள். மேலும் மூன்றாம் பாலினத்தவர்கள் 5 பேரும் பாதிக்கப்பட்டுள்ளனர். தமிழகம் முழுவதும் இதுவரை 4,23,018 பேரின் மாதிரிகள் பரிசோதனை செய்யப்பட்டுள்ளதாகவும், இன்று மட்டும் 10,661 பேரின் மாதிரிகள் பரிசோதனை செய்யப்பட்டுள்ளதாகவும் தமிழக சுகாதாரத்துறை தெரிவித்துள்ளது.
மாவட்ட வாரியான பாதிப்பு நிலவரம்:
தமிழகத்தில் அதிகபட்சமாக சென்னையில் 558 பேருக்கு இன்று கொரோனா பாதிப்பு உறுதிசெய்யப்பட்டுள்ளதை அடுத்து, அங்கு பாதிக்கப்பட்டவர்கள் எண்ணிக்கை 12,203 ஆக உயர்ந்துள்ளது.
திருவள்ளூர் 40, செங்கல்பட்டு 31, காஞ்சிபுரம் 14, திருவண்ணாமலை 13, திருவாரூர் 5, அரியலூர் 4, திருச்சி 3, தூத்துக்குடி மற்றும் கடலூரில் 2, கள்ளக்குறிச்சி, மதுரை, நாகப்பட்டினம், ராமநாதபுரம், தஞ்சாவூர், திருப்பத்தூர் ஆகிய மாவட்டங்களில் ஒருவருக்கும் இன்று நோய் தொற்று உறுதியாகியுள்ளது.
மே மாத கொரோனா பாதிப்பு நிலவரம்:
மே 01 - 2526 மே 11 - 8002 மே 21 - 13967
மே 02 - 2757 மே 12 - 8718 மே 22 - 14753
மே 03 - 3023 மே 13 - 9227 மே 23 -15,512
மே 04 - 3550 மே 14 - 9674 மே24 - 16,277
மே 05 - 4058 மே 15 - 10108 மே25 - 17,082
மே 06 - 4829 மே 16 - 10585 மே26 - 17,728
மே 07 - 5409 மே 17 - 11224 மே27 - 18,545
மே 08 - 6009 மே 18 - 11760
மே 09 - 6535 மே 19 - 12448
மே 10 - 7204 மே 20 - 13191