https://imgs.orientalsunday.hk/wp-content/uploads/2020/05/feat_1172_18_14416443715ecb79c277290-1000x600.jpg

25歲馮盈盈蝕揸鄺潔楹棄兵 大隻主播大膽直接攻陷芳心

現年25歲的馮盈盈，去年底宣布與十優醫生男友鍾文浩（Martin）分手，前度疑似有長髮新歡陪看日落，馮盈盈亦被爆同大隻主播鄭衍峰（Leonard）撻著，一切重新出發。不過， 28歲的鄭衍峰原來並非省油燈，早有「女神收割機」稱號，借拍《 3日2夜》狂冧女，17年就曾向甜美嬌滴滴的哈比女神鄺潔楹大獻殷勤，不過卻遭女神嫌棄派檸檬，估唔到身高和人氣都高一等的馮盈盈，兩年後會接收鄺潔楹棄兵，今鋪真係蝕章！

撰文、圖片：東方新地

馮盈盈箍唔實多女埋身醫生男友

出名敢愛敢恨、愛情至上的馮盈盈，當年為醫生前度Martin早已全程奉獻，即使事業起飛，仍高調公開承認戀情，不怕妨礙演藝前途，去年更倒貼首期幫Martin置業，即使物業冇加入自己名亦唔計較，又做埋阿四負責買家品布置新居及煮飯打掃一腳踢，可惜廿四孝女友箍唔實多女埋身的醫生男友，最終分手收場！

https://imgs.orientalsunday.hk/wp-content/uploads/2020/05/1_1172a_catc_p18_20_11044829885ecb76e8b6858.jpg
有愛情滋潤的馮盈盈，日前出席公司宣傳活動全程如沐春風，轉了新髮型的她更容光煥發，錄影完節目，馮盈盈即趕去會合男友。
https://imgs.orientalsunday.hk/wp-content/uploads/2020/05/bb1_1172a_catc_p18_20_2225808385ecb76c942e8e.jpg
參選港姐時已經承認有個十優醫生男友鍾文浩的馮盈盈，經常高調晒愛，三句唔埋便將「寶寶」（鍾文浩暱稱）掛在嘴邊
https://imgs.orientalsunday.hk/wp-content/uploads/2020/05/bb2_1172a_catc_p18_20_15413716335ecb76cb73058.jpg
去年更瞞住父母貼埋首期幫男友買樓，新居連自己名都冇亦唔介意
https://imgs.orientalsunday.hk/wp-content/uploads/2020/05/bb3_1172a_catc_p18_20_18935894225ecb76cdb601e.jpg
廿四孝女友為給男方安全感，更不時帶同男友出席圈中聚會，之前就試過帶同男友與麥明詩、陸浩明慶功，可惜最終仍箍唔實醫生男友分手收場。

《後生仔傾吓偈》主播鄭衍峰大膽直接攻陷芳心

回復單身再放盤，有樣有身材有學歷的馮盈盈當然不愁冇人追，更火速有觀音兵埋身，因拍J2台節目《後生仔傾吓偈》與主播鄭衍峰撻著，被指推薦男方上節目，又被拍到除夕一齊拍拖行超市，雖然未肯公開認愛，但馮盈盈就享受人前人後晒恩愛，不避嫌與鄭衍峰經常合體出節目，再次貫徹其愛是全奉獻精神，連60萬新買愛車亦畀男友任揸，搬離前度何文田舊愛巢後以19,000元租住深水埗新居，又讓鄭衍峰入屋變半個男主人，早前各自Po相亦見同一張網墊，疑似在家玩煮飯仔。據知情者透露：「同Martin分手嗰段
時間，盈盈成日孤伶伶一個人好唔習慣，身邊朋友都好擔心，怕佢悶成日會搞聚會開解佢，Leonard（鄭衍峰）就因為拍《後生仔傾吓偈》加拿大特輯，同一班『後生仔』主持熟絡咗，佢知道盈盈甩拖，成日借機約盈盈帶佢周圍去玩，對盈盈照顧周到，女人寂寞時好想有倚靠，Leonard喺《後生仔傾吓偈》節目入面《盈盈的單身派對》『Speed Dating 』度更大膽直接表白，好快已經攻陷女神芳心！佢兩個喺電視城出雙入對，班拍檔一早知情，加上大家係年輕人，Leonard早就融入『後生仔』堆，盈盈仲成日推薦男友畀監製，等佢有多啲出鏡機會！」

https://imgs.orientalsunday.hk/wp-content/uploads/2020/05/xx1_1172a_catc_p18_20_17413664525ecb76e33a5e6.jpg
馮盈盈去年底宣布和十優醫生男友 Martin分手，前度早前就被拍到拖長髮新歡看日落，而馮盈盈亦被指撻著娛樂主播鄭衍峰三個月，各自各精彩！
https://imgs.orientalsunday.hk/wp-content/uploads/2020/05/xx2_1172a_catc_p18_20_21414475405ecb76e546444.jpg
有指馮盈盈引薦鄭衍峰拍《後生仔傾吓偈》的《盈盈的單身派對》，節目上與另外八個男仔追盈盈的鄭衍峰，在「 Speed dating」環節就因真情剖白：「希望盈盈女神可收我做你條仔，必定每天愛你多一些！」成功打動女神，兩人在節目上更上演蝦條之吻！
https://imgs.orientalsunday.hk/wp-content/uploads/2020/05/kk1_1172a_catc_p18_20_19299835705ecb76d370a11.jpg
《盈盈的單身派對》上，鄭衍峰更攝到靚位經常黐實女神。
https://imgs.orientalsunday.hk/wp-content/uploads/2020/05/kk2_1172a_catc_p18_20_3830095495ecb76d503ddf.jpg
馮盈盈與鄭衍峰早前一齊上新一輯《後生仔傾吓偈》節目，馮盈盈更出手幫男友驗胸，測試對方有冇外傳的43吋胸肌，公然大耍花槍！

鄭衍峰曾拍《 3日2夜》狂冧鄺潔楹

本來寂寂無名的鄭衍峰，因女友馮盈盈而廣為人識，更一度被誤傳是有米富二代，但其實長居溫哥華的父母只是打工仔，鄭爸爸是航空公司工程部維修人員，而鄭媽媽則是電器店售貨員，不過，畢業於著名學府英屬哥倫比亞大學（UBC）的 Leonard，即使不是高富帥一樣好有自信，讀書時已經鍾意操肌冧女，更因為43吋發達胸肌及六嚿腹肌而被《 3日2夜》監製睇中，曾拍攝多輯《 3日2夜》，在女神鄺潔楹、陳詩欣及蘇可欣身邊團團轉，借拍節目狂冧女，更因而有「女神收割機」稱號。17年便因為拍節目狂追哈比女神鄺潔楹，不過，家境富裕的 Judy（鄺潔楹），身邊早有唔少富貴兵，對外形一般的鄭衍峰根本睇唔上眼。

https://imgs.orientalsunday.hk/wp-content/uploads/2020/05/xx3_1172a_catc_p18_20_3300698055ecb76e718c1f.jpg
鄭衍峰17年與鄺潔楹合拍《3日2夜》，當時仲有幸被安排與女神一齊浸溫泉，一早對嬌滴滴身材有睇頭的Judy（鄺潔楹）嗒糖的他，即使大獻殷勤亦無功而回，未有被哈比女神垂青。
https://imgs.orientalsunday.hk/wp-content/uploads/2020/05/new3_1172a_catc_p18_20_6722119045ecb76e179e08.jpg
其貌不揚的鄭衍峰最愛在社交網晒其43吋胸肌。