"Боруссия"га қарши "Дер Классикер" олдидан "Бавария"да йўқотиш

Эртага, 26 май куни Германия чемпионатининг 28-тур учрашувларига старт берилади.

Турнинг марказий баҳси Дордмунддаги "Сигнал Идуна Парк"да ўтказилади. Мезбонлар пешқадам "Бавария"ни меҳмон қилишади. Мюнхенликлар бош мураббийи Ханс Флик жамоа ярим ҳимоячиси Тиаго Алькантара ушбу тўқнашувгача тикланиб улгурмаслигини таъкидлади.

"Бугун у машғулот ўтказмади. Афсуски, у "Боруссия"га қарши учрашувда қатнаша олмайди", - дея Фликнинг сўзларини келтирди "Goal.com" нашри.

Кеча дордмундликлар сафида ҳам жиддий йўқотиш борлиги ҳақида хабар берган эдик.

"Бавария"га қарши ўйиндан олдин "Боруссия"да катта йўқотиш бўлиши мумкин

Эслатиб ўтамиз, "Боруссия Д" - "Бавария" учрашуви эртага, 26 май куни Тошкент вақти билан 21:30да старт олади.

Германия чемпионати турнир жадвали >>>>> БУНДЕСЛИГА

Манба : Goal.com