2:18. “Shalke-04” ketma-ket 8 ta o‘yinda g‘alaba qozona olmadi

“Shalke-04” jamoasi Germaniya chempionatining 27-turida “Augsburg”ga imkoniyatni boy berib qo‘ydi (0:3).

Devid Vagner boshchiligidagi jamoa ketma-ket 8 o‘yindan buyon g‘alaba nimaligini bilmayapti (5 mag‘lubiyat, 3 durang). To‘plar nisbati — 2:18.

Avvalgi turda gelzenkirxenliklar Rur derbisida “Borussiya D”ga 0:4 hisobida yutqazib qo‘ygandi.

“Shalke-04” 27-turdan so‘ng 37 ochko jamg‘argan holda Bundesliga musobaqa jadvalida sakkizinchi o‘rinni egallab turibdi.