Mag-utol na paslit patay, 8 pa nasabugan sa bakbakan

Patay ang magkapatid na paslit habang walong iba pa ang nasugatan nang masapul ng mortar fires ang kanilang tahanan sa lalawigan ng Maguindanao.

Ang magkapatid na biktima ay kinilalang sina Aslamiah Tambak, 10 anyos at Sadam, 7-anyos.

Walo din ang naiulat na nadale. Ang mga biktima ay pawang residente ng Brgy Kitango Datu Saudi Ampatuan, Maguindanao.

Sa pahayag ng ilang saksi, habang nasa kasagsagan sila ng pagdarasal kasabay ng Eid Fitr ay bigla na lang may sumabog kung saan tinamaan ang mga biktima na pawang nakatira sa Brgy Kitango.

Bago ang nasabing insidente ay napag-alamang nagkasagupaan ang militar at BIFF sa Brgy Elian, di kalayuan sa Brgy Kitango.

Patuloy pang nagsasagawa ng imbestigasyon ang Datu Saudi Ampatuan Maguindanao PNP sa insidente.