蘇格蘭人唔願戴口罩 喬寶寶灰爆大呻遲早瀨嘢

by
https://static.stheadline.com/stheadline/news_res/2020/05/25/449085/i_640x480_786401416.jpg
■喬寶寶由香港派口罩派到去蘇格蘭，唔少華人都多謝他。
https://static.stheadline.com/stheadline/news_res/2020/05/25/449085/i_640x853_016412651.jpg
■喬寶寶同喬嫂嫂每周會去一次超市買糧。
https://static.stheadline.com/stheadline/news_res/2020/05/25/449085/i_640x853_041631714.jpg
■寶寶指連經常同顧客接觸嘅超市收銀都唔會戴口罩。
https://static.stheadline.com/stheadline/news_res/2020/05/25/449085/i_640x799_042316829.jpg
■置身英國「戰場」，回家要第一時間將食物包裝消毒。
https://static.stheadline.com/stheadline/news_res/2020/05/25/449085/i_640x799_104160943.jpg
■細仔行動不便且體弱多病，是寶寶決定回歸其中一個原因。
https://static.stheadline.com/stheadline/news_res/2020/05/25/449085/i_640x635_054156588.jpg
■做醫師的新抱仔喺醫院都唔戴口罩，圖中只係戴住口罩吹蠟燭，玩吓嘢。
https://static.stheadline.com/stheadline/news_res/2020/05/25/449085/i_640x853_004950166.jpg
■口罩、手套、洗手液係必須隨身攜帶。

        喬寶寶喺3月底離港前做過義工，派口罩畀弱勢社群，移民蘇格蘭與家人團聚後，寶寶仍然熱心公益，之前他為當地華人社區派口罩，半小時內派出3000個，但排隊人龍中只得頭尾兩個係外籍人士，好多英國人仍然唔願戴口罩，眼見英國新冠肺炎死亡率愈嚟愈高，他絕望說：「可能過多幾個月再聽唔到我把聲喇！」採訪：方騫平

        之前喬寶寶應邀參與蘇格蘭中國文化公益協會搞嘅慈善派口罩活動，「排隊嘅九成九係華人，仲以為喺香港派緊口罩，得2個係外國人。呢度全城冇人戴口罩，堅持保持社交距離係最好，但佢哋又唔停口喺度講嘢，唉！完全冇危險感，真係好易中招。最慘政府冇帶頭呼籲及強制要戴口罩，家居令又鬆散，疫情嚴重嘅西班牙、意大利同美國旅客入境都唔需要任何檢疫；以運動為由，24小時出街都得，無喇！o依家睇吓好唔好彩，可能同你傾多個幾兩個月，好快聽唔到喬寶寶把聲嘞！」

　　英國成為繼美國後，新冠肺炎全球死亡率第二最高國家，喬寶寶灰爆說：「o依家出街隨身準備，口罩、手套、搓手液，每星期一次去超市買完嘢，返到屋企要馬上消毒食物包裝，呢度太危險，直情係戰場咁，連超市收銀、做醫生嘅新抱全部都唔戴口罩，我都唔知幾時會瀨嘢，日日提心吊膽。」不過，他堅持唔會回港避疫：「o依家長居蘇格蘭過住半退休生活，主要睇住個細仔，陪佢喺後花園踩吓單車，因為佢體弱多病不宜外出，希望早日抱孫就會冇咁悶。」