這國安法似足——戇居婆仔買股票

保皇黨的群組周圍傳，美國、英國、德國都有國安全法喎，你睇，佢哋罰得幾重！香港有也很應該呀！企圖為香港也立國安法，自慰一番。

大佬呀，人家這些國家都是有真普選的，你又唔先學吓人有真普選？

英美德都是在真普選的基礎上，才立國家安全法，要經過不知多少次詳細討論、諮詢、修正，清清楚楚，你如果再犯了這些安全法就冇說話好講啦。

但香港就唔係喎，一個沒有真普選的地區，由自以為母親的偉大祖國強姦式在星期五突然插入國家安全法，唔好話諮詢、討論，就算連港區人大都是最後一刻才知要做嘢。

最荒唐的是，根本整個什麼「港版國安法」只是得一個空殻，由班舉廢柴舉手機器先通過了空殼，然後才由打手去補寫此法的細節。現在就乜都唔知——會不會有拘捕權又唔知，會不會成立「國安辦」又唔知，有沒有追溯權都唔知，做乜嘢事會衰什麼更加唔知⋯⋯居然保皇黨馬上舉手舉腳扯曬旗——「鼎力支持」，擺街站叫人簽名撐空殻公司，就像很多戇居婆仔買股票，卻連間公司是做什麼生意都未知，一定全輸清攬炒。

九月投票給這些保皇黨的人，一定是腦子灌屎的。