Не толькі Пушкін: Шаўрова вінавацяць яшчэ ў псаванні помніка загінулым міліцыянерам
by NN.by«Маладафронтаўцу» Піліпу Шаўрову выстаўлена абвінавачанне па 1 частцы 339 артыкула Крымінальнага кодэксу (хуліганства). Мінімальнае пакаранне — штраф, максімальнае — пазбаўленне волі на тэрмін да трох гадоў.
Як паведамілі «Нашай Ніве» ў Следчым камітэце, у справе расследуюцца два эпізоды.
Адзін з іх датычыцца таго самага выпадку з помнікам Пушкіну.
Чытайце: Невядомыя пафарбавалі рукі на помніку Пушкіну ў Мінску ў чырвоны колер ФОТА
Чытайце: За «крывавыя рукі» помніка Пушкіну затрыманы маладафронтавец Піліп Шаўроў
Другі эпізод датычыцца пашкоджання помніка ў Мінску супрацоўнікам органаў унутраных спраў і ваеннаслужачых унутраных войскаў Беларусі, якія загінулі пры выкананні службовага доўгу.
Паводле следства, гэты помнік таксама быў абліты фарбай.
