اشتعلت بين المستقبل والتيار...

استفزّ كلام الرئيس سعد الحريري في الذكرى الخامسة عشرة لاغيتال والده الرئيس رفيق الحريري فريق العهد فتوالت ردات الفعل على الكلمة.

بعد كلمة رئيس الحكومة السابق سعد الحريري في ذكرى اغتيال الشهيد رفيق الحريري والتي صوّب أغلب سهامه فيها نحو الوزير السابق جبران باسيل توالت ردّات الفعل البرتقالية.
فقد سارع باسيل بالرد على الحريري قائلا: " شو ما انت عملت وقلت ما رح تقدر تطالني، وكيف ما انا كنت ما رح اقبل كون متلك... بتفرّقنا بعض القيم والمبادئ، بس رح يرجع يجمعنا التفاهم الوطني... رحت بعيد بس رح ترجع، الفرق انو طريق الرجعة رح تكون اطول واصعب عليك".
من جهته غرد الوزير السابق غسان عطاالله كاتباً: "طلعت معك قبرشمون حرب إلغاء للاشتراكي وإنت عارف مين قوّص ومين حاول يلغي الثاني جسديا ومين بالمقابل استوعب ليخلّص البلد من الأول قلنالك ما توقف الحكومة ولا يوم وأنت بضعفك أخرتها ٦٠ يوم هيك إنت وهيك خطة المهجرين معك وهيك الشغل معك ما بيوصل لمحل أجمل ما في الخطاب أن الوفاء عملة نادرة".

كذلك غرّد النائب سيزار أبي خليل عبر حسابه على "تويتر"، قائلاً: "مين حكم البلد 30 سنة وعمل سياساته المالية والاقتصادية؟ 83% للحريري وحلفائه و17% لأخصام الحريري. هيك بيحسبوا مين حكم البلد مش مين أخذ أكتر وزارة الطاقة".
بدوره قال روجيه عازار رداً على الحريري: "اللي بدو يلغي الآخر ما بخلصك من الاسر ولا بصرّ تكون رئيس حكومة ولا بيعمل قانون بأمّن تمثيل الكل حسب حجمو الواقعي ولا بكون هوي أساس كل التفاهمات بالبلد".

أما النائب ايدي معلوف فكتب: "مراهق تركته عشيقته قبل بضعة أيام من الSt Valentin... وعم بخبّص". 

كذلك رد النائب جورج عطاالله على الرئيس سعد الحريري من دون أن يسميه، بتغريدة عبر "تويتر" جاء فيها: "يا شيخ يا شيخ يا شيخ، يللي بدو يلغي الحريرية السياسية:
1- ما بيرفض بل2017 استقالتك من السعودية وبيبرم الدني تترجع رئيس حكومة.
2- ما بيرفض بل 2019 استقالتك وبيطلب منك ترجع تشكل الحكومة الجديدة.
3- ما بيعتبرك المكون الأساسي بطايفتك وبيتمسك فيك ميثاقيا وما بيقبل حدا يمس بحضورك وصلاحياتك.
بس إذا انت عم تلغي حالك بإدائك وشغلك وكلامك ومواقفك، شو خصنا نحنا؟".

أما النائب سليم خوري فكتب: "الخطاب في مكان، أما الحقيقة فهي في مكان آخر".