ഹയര്‍ സെക്കന്‍ഡറി വിദ്യാര്‍ത്ഥിനിയെ നിരന്തരം പീഡിപ്പിച്ചു; പിതാവിന്റെ പരാതിയില്‍ കഞ്ചാവ് കേസിലെ പ്രതി പിടിയില്‍
by Janam TV Web Deskപത്തനംതിട്ട: ഹയര്‍ സെക്കന്‍ഡറി വിദ്യാര്‍ഥിനിയെ നിരന്തരം പീഡിപ്പിച്ചുവെന്ന പിതാവിന്റെ പരാതിയില്‍ കഞ്ചാവ് കേസില്‍ പ്രതിയായ യുവാവിനെ പോലീസ് അറസ്റ്റ് ചെയ്തു. ആനപ്പാറ മണ്ണില്‍ ചുങ്കക്കാരന്‍ വീട്ടില്‍ അര്‍ഷദ് ഖാനാണ് (22) അറസ്റ്റിലായത്.
നഗര മധ്യത്തിലെ സ്‌കൂളില്‍ പഠിക്കുന്ന പെണ്‍കുട്ടിയെ പ്രണയം നടിച്ചും വിവാഹ വാഗ്ദാനം ചെയ്തും ഇയാള്‍ നിരന്തരമായി പീഡിപ്പിച്ചു വരികയായിരുന്നു. മുന്‍പ് കഞ്ചാവ് കേസില്‍ പ്രതിയായ അര്‍ഷദ് വിവിധ തരം ലഹരികള്‍ ഉപയോഗിച്ചിരുന്നുവെന്നും പറയുന്നു.
മദ്യ ലഹരിയില്‍ കൂട്ടുകാരനോട് താന്‍ പെണ്‍കുട്ടിയെ പീഡിപ്പിക്കുന്ന വിവരം ഇയാള്‍ പറയുകയായിരുന്നു. കൂട്ടുകാരന്‍ ഈ വിവരം പെണ്‍കുട്ടിയുടെ പിതാവിനെ അറിയിച്ചു. അദ്ദേഹം നല്‍കിയ പരാതി പ്രകാരമാണ് അറസ്റ്റ്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.