Лэмпард Зиешнинг "Челси"га ўтганига изоҳ билдирди

"Челси" бош мураббийи Фрэнк Лэмпард жамоанинг янги ўйинчиси Ҳаким Зиеш ҳақида фикр билдирди.

"Мен уни илк бор Чемпионлар Лигасида "Аякс" таркибида кўргандим. У айниқса "Тоттенхэм"га қарши ўйинда ажойиб ҳаракат қилди. Жорий мавсум у билан икки марта ўйнадик ва шу сабаб у ҳақида етарлича маълумот олдим. Ҳаким чап оёқда ажойиб ўйнай олади, қанотда ўйнашдан ташқари ҳужумчи ортида ҳам ҳаракат қила олади.

У пас беришдан ташқари голлар ура олади. Биламан, у ҳозир бизнинг таркибимизга келиб қўшилмайди, аммо мухлислар унинг келишини интиқлик билан кутишмоқда", - дейди Лэмпард.

Манба : Sky Sports