Bersamin maoy bag-ong chair sa GSIS – Go

Gikompirmar ni Senador Bong Go nga gitudlo ni Presidente Rodrigo Duterte si retired Supreme Court Chief Justice Lucas Bersamin isip bag-ong chairperson sa Government Service Insurance System (GSIS).

“Naka-oath(taking) na siya, last week pa. Siya na magiging chair,” matud ni Go sa ABS-CBN News, Pebrero 13.

Hulipan ni Bersamin si Rolando Macasaet, nga maoy officer-in-charge sa maong government-owned and controlled corporation sukad niadtong Hunyo 2018.

Miretiro si Bersamin sa hudikatura niadtong Oktubre 2019, human mitrabaho sa usa ka dekada sa SC.