Taga-Davao del Norte, nag-inusarang midaug sa P36M jackpot sa 6/42

Nag-inusarang nadaug gikan sa Davao Del Norte ang jackpot prize nga kapin sa P36 milyon sa gihimong bola sa Lotto 6/42 sa Philippine Charity Sweepstakes Office (PCSO) niadtong Huwebes sa gabii.

Matud ni PCSO General Manager Royina Marzan Garma, ang suwerteng mananaug nakuha niya ang six winning combination nga 15-27-36-08-41-11 nga adunay kinatibuk-ang premyo nga P36,652,592.40.

Matud pa ni Garma, mipusta ang lucky winner sa lotto outlet sa Tagum, Davao Del Norte.

Bisan unsang oras mahimo na nga kobrahun sa lotto winner ang iyang tseke sa main office sa PCSO sa Mandaluyong City ug kinahanglan nga magdala siya og duha ka ID ug kinahanglan nga dad-on niya ang winning ticket.

Samtang aduna nay 25 ka mananaug ang nakakuha sa lima sa unom nga winning combination nga makadawat og tag P25,000 isip consolation prize.

Giawhag usab ni Garma ang publiko nga padayung suportahan ang mga duwa sa PCSO tungod kay ang dakung bahin niiji maadto sa mga charity program.

Ang 6/42 lotto gibola matag Martes, Huwebes ug Sabado.