Расман: "Атлетико" Бельгия терма жамоа футболчисини ўз сафига қўшиб олди

Ярим ҳимоячи Янник Феррейра-Карраско "Атлетико" билан шартнома имзолади.

31 Jan 2020, 12:25

26 ёшли хавбек жорий мавсум сўнггига қадар Мадрид клубида ижара асосида ўйнайди.

Бельгия терма жамоаси ўйинчиси 2015-2018 йиллар давомида "Атлетико" шарафини ҳимоя қилган.

Карраско "Атлетико"да жами 124та ўйинда майдонга тушиб, 23та гол урган.

Таъкидлаш керакки, футболчи аллақачон Мадрид жамоаси билан машғулотларда иштирок этмоқда.