حسيت بالموت.. الأب الفدائي يروي لـ صدى البلد لحظات الرعب أسفل قطار الإسماعيلية

همت الحسيني التقى موقع صدى البلد، الاخباري، محمد فرغلى الملقب بالاب الفدائى والاب الشجاع الذي ارتمى وراء ابنته التي زلت قدماها لتقع اعلى قضبان السكة الحديد في اثناء ما كان قطار يتهادى ويدخل إلى رصيف المحطة، واحتضنها بشدة كي لا تتحرك ولو للحظة واحدة خشية عليها من موت محقق اسفل عجلات القطار المذكور.
وكان لقاء موقع صدى البلد، بالاب الفدائي، في قريته بصدقا بتمى الامديد ليروي تفاصيل الواقعة، وكيف خاطر بحياته لانقاذ ابنته. 
قال الأب الفدائي: "الشعب المصرى الطيب اللى بيحب البلد شعب عظيم مش لاقى كلام اقوله، الناس اللى كانت واققه بتقولى متتحركش اثبت، قوونى بكلامهم والف حمد وشكر ليك يارب على نجاة بنتى قبل منى دى روحى وحبيبتى".
واضاف محمد فرغلى الملقب بالاب الفدائى والاب الشجاع: "انا محستش بنفسى كل حاجه فيا وقفت عن الحركه حسيت خلاص النهايه والمكتوب مش هنهرب منه وامر ربنا هو اللى هيكون وفضلت ادعى يارب يارب وربنا نجانا مهما شكرته وقلت مش لاقى كلام".
وتابع" بشكر اللواء كامل الوزير وزير النقل، وكلامه عنى لما قال عليا بطل وده دورى انا واى اب مكنش هيسيب ضناه كان هيعمل زيي، الضنا غالى اوى وبشكر كل اللى وقف جنبنا فى المحطه وشد من ازرى والله الشعب المصرى ده مفيش زيه".
واستطرد: "مصر حلوة وهتفضل كده طول ما شعبها طيب كده اللى شفته من الناس حب كبير ..الحمد لله على نعمه وفضله".
وقالت الابنة خديجة: "انا كنت خابفه اوى ومرعوبه مش عشان نفسى كنت خايفه على بابا هو كان معرض للخطر اكتر ربنا يخليه لينا يارب بابا كل حاجه حلوة فى الدنيا دى " .
اقرأ أيضا:أبويا حضني وأنقذني من تحت عجلات القطار.. خديجة ابنه الأب البطل تروي لحظات الرعب
فيما قال الدكتور احمد طه ابن شقيقته: "دى معجزه وفضل من ربنا انه نجاهم فرحه الناس لا توصف بنجاتهم واى اشاعه بتحرير محاضر غير حقيقى ويكفى حديث وزير النقل عن خالى بأنه بطل الحمد لله على عودتهما سالمين.