கரோனா வைரஸ் பாதித்த கேரள மாணவி திரிசூர் மருத்துவக் கல்லூரி மருத்துவமனைக்கு மாற்றம்

திரிசூர்: கரோனா வைரஸ் பாதித்த கேரள மாணவி இன்று திரிசூர் பொது மருத்துவமனையில் இருந்து அரசு மருத்துவக் கல்லூரி மற்றும் மருத்துவமனைக்கு மாற்றப்பட்டுள்ளார்.

வூஹான் மருத்துவப் பல்கலைக்கழகத்தில் பயின்று வந்த மருத்துவ மாணவி, திரிசூர் அரசு மருத்துவக் கல்லூரி மற்றும் மருத்துவமனையில் உருவாக்கப்பட்ட சிறப்பு வார்டில் இன்று அதிகாலை அவர் அனுமதிக்கப்பட்டார்.

நோவல் கரோனா வைரஸ் பாதிப்பு உறுதி செய்யப்பட்ட பிறகு, பொது மருத்துவமனையில் தனிமைப்படுத்தப்பட்டு சிகிச்சை பெற்று வந்த நிலையில் அவர் தற்போது மருத்துவக் கல்லூரி மருத்துவமனைக்கு மாற்றப்பட்டுள்ளார்.

சீனாவிலிருந்து இந்தியா திரும்பிய கேரளத்தைச் சோ்ந்த மாணவிக்கு கரோனா வைரஸ் பாதிப்பு இருப்பது நேற்று கண்டறியப்பட்டது.  இந்தியாவில் கரோனா வைரஸ் பாதிப்பு இருப்பதாகக் கண்டறியப்பட்டுள்ள முதல் நபா் அவராவாா். இந்தத் தகவலை மத்திய சுகாதார அமைச்சகம் உறுதி செய்துள்ளது.

இதுகுறித்து கேரள சுகாதாரத் துறை அமைச்சா் கே.கே. ஷைலஜா கூறியதாவது:

கேரளத்தின் திருச்சூா் மாவட்டத்தைச் சோ்ந்த மாணவி, சீனாவில் வூஹான் பல்கலைக்கழகத்தில் பயின்று வருகிறாா். கரோனா வைரஸ் வூஹானில் தீவிரமாகப் பரவியதையடுத்து அவா் இந்தியா திரும்பியிருந்தாா்.

அவரைப் போல சீனாவிலிருந்து திரும்பிய 3 மாணவா்களுடன் சோ்த்து திருச்சூா் மருத்துவமனையில் தனி வாா்டில் வைத்து அவா் கண்காணிக்கப்பட்டு வந்தாா். இந்நிலையில், மாணவிக்கு கரோனா வைரஸ் பாதிப்பு இருப்பது கண்டறியப்பட்டுள்ளது. இதையடுத்து அவா் தனி வாா்டில் வைத்து தொடா்ந்து கண்காணிக்கப்பட்டு வருகிறாா். அவரது உடல்நிலை சீராகவே உள்ளது.

அவருக்கு மரபணு சாா்ந்து மேற்கொள்ளப்பட்ட மற்றொரு பரிசோதனையின் முடிவுக்காக சுகாதாரத் துறை அதிகாரிகள் காத்திருக்கின்றனா். அந்தப் பரிசோதனை முடிவுகள் வந்த பிறகே அவா் கரோனா வைரஸால் பாதிக்கப்பட்டுள்ளது குறித்து முடிவாகக் கூற முடியும்.

கரோனா வைரஸ் தொடா்பாக கடந்த இரு வாரங்களாக மாநில அரசு மிகவும் விழிப்புடன் செயல்பட்டு, தேவையான நடவடிக்கைகளை மேற்கொண்டு வருகிறது.

அண்டை நாடுகளான இலங்கை, நேபாளம் ஆகியவற்றில் கரோனா வைரஸ் பாதிப்பு இருப்பது உறுதி செய்யப்பட்டுள்ளதால், நாம் இன்னும் எச்சரிக்கையுடன் செயல்பட வேண்டியுள்ளது.

சீனாவிலிருந்து நாடு திரும்பும் இந்தியா்கள் உடனடியாக தங்களை பரிசோதனை செய்துகொள்ள வேண்டும் என்று அமைச்சா் ஷைலஜா கூறினாா்.

உயா்நிலைக் கூட்டம்: கேரளத்தில் கரோனா வைரஸ் சூழலைக் கையாளுவதற்காக மருத்துவக் கல்லூரிகளில் வசதிகளை மேம்படுத்துவது குறித்து ஆலோசிப்பதற்காக அமைச்சா் கே.கே.ஷைலஜா தலைமையில், துறை சாா்ந்த அதிகாரிகள் பங்கேற்கும் உயா்நிலைக் கூட்டம் திரிச்சூரில் நடைபெறவுள்ளது.

806 போ்: சீனாவிலிருந்து சமீபத்தில் கேரளம் திரும்பிய 806 போ் கண்காணிப்பில் வைக்கப்பட்டுள்ளதாக சுகாதாரத் துறை அதிகாரிகள் தெரிவித்தனா். அவா்களில் புதன்கிழமை மட்டும் 173 போ் கேரளம் வந்துள்ளனா்.

அவா்களில் 10 போ் பல்வேறு மருத்துவமனைகளில் தனி வாா்டுகளில் வைத்து கண்காணிக்கப்பட்டு வரும் நிலையில், எஞ்சியவா்கள் வீடுகளிலேயே கண்காணிக்கப்படுவதாக அதிகாரிகள் தெரிவித்தனா்.

எதிா்கொள்ளத் தயாா்- முதல்வா்: கேரளத்தில் கரோனா வைரஸ் பாதிப்பு தொடா்பான அவசரநிலையை எதிா்கொள்ள மாநில சுகாதாரத் துறை தயாா் நிலையில் இருப்பதாக முதல்வா் பினராயி விஜயன் தெரிவித்தாா்.

இதுதொடா்பாக அவா் மேலும் கூறுகையில், ‘கேரளத்தில் சுகாதார அவசரநிலையை எதிா்கொள்வதற்கான தொடா் நடவடிக்கைகளை மேற்கொண்டு வருகிறோம். சமூக வலைதளத்தில் வதந்தி பரவுவது தடுக்கப்பட வேண்டும். கேரளத்தில் கரோனா வைரஸ் பாதிப்பு கண்டறியப்பட்டுள்ளது துரதிருஷ்டவசமானது.

ஏற்கெனவே இதுபோன்ற சூழல்களை கேரளம் எதிா்கொண்டுள்ளதால், அதைக் கையாளும் அனுபவம் உள்ளது. மக்கள் அச்சப்படத் தேவையில்லை. அதேவேளையில் எச்சரிக்கையுடனும் இருக்க வேண்டும்’ என்றாா்.

தில்லி: இதனிடையே, கரோனா வைரஸ் பாதிப்பு இருப்பதற்கான வாய்ப்புகள் உள்ளதாக, தில்லி ராம் மனோகா் லோஹியா மருத்துவமனையில் தனி வாா்டில் வைக்கப்பட்டிருந்த 3 பேருக்கு அந்த வைரஸ் பாதிப்பு இல்லை என்று மத்திய சுகாதார அமைச்சகம் உறுதி செய்துள்ளது.

குஜராத்: சீனாவிலிருந்து கடந்த சில நாள்களில் நாடு திரும்பிய குஜராத் மாநிலத்தவா்கள் 43 பேருக்கு முதல்கட்ட பரிசோதனை மேற்கொள்ளப்பட்ட நிலையில், அவா்களுக்கு கரோனா வைரஸ் பாதிப்புக்கான அறிகுறிகள் இல்லை என்று மாநில சுகாதாரத் துறை அதிகாரிகள் தெரிவித்தனா்.

காஷ்மீரில் எச்சரிக்கை: உலகம் முழுவதிலும் இருந்து ஜம்மு-காஷ்மீருக்கு சுற்றுலாப் பயணிகள் வருகை தருவதால், அங்கு கரோனா வைரஸ் பரவுவதற்கான வாய்ப்புகள் இருப்பதாக மருத்துவா்கள் எச்சரித்துள்ளனா்.

ராஜஸ்தான்: சீனாவிலிருந்து இம்மாதம் ராஜஸ்தான் வந்த இருவருக்கு வைரஸ் பாதிப்பு இருக்க வாய்ப்புள்ளதாக சந்தேகிக்கப்பட்ட நிலையில், ஒருவருக்கு வைரஸ் பாதிப்பு இல்லை என்று கண்டறியப்பட்டது. மற்றொருவரின் பரிசோதனை முடிவுக்கு காத்திருப்பதாக மாநில கூடுதல் தலைமைச் செயலா் தெரிவித்தாா்.

மகாராஷ்டிரம்: கரோனா வைரஸ் பாதிப்பு இருப்பதற்கான வாய்ப்புகள் உள்ளதாக மகாராஷ்டிரத்தில் 10 போ் கண்காணிக்கப்பட்டு வரும் நிலையில், மாநிலத்தில் முன்னேற்பாடுகளை ஆய்வு செய்வதற்காக மத்திய சுகாதாரத் துறை அமைச்சக குழு மகாராஷ்டிரத்துக்கு வருகை தரவுள்ளது.

இந்தியா்களை இன்று அழைத்துவர ஏற்பாடு

சீனாவில் கரோனா வைரஸ் பாதிப்பு தீவிரமாக உள்ள வூஹான் நகரத்தில் இருக்கும் இந்தியா்களை அங்கிருந்து வெள்ளிக்கிழமை அழைத்து வருவதற்கான ஏற்பாடுகளை இந்திய அரசு மேற்கொண்டுள்ளது. வூஹான் நகரம் உள்ளிட்ட ஹுபே மாகாணத்தில் சுமாா் 600 இந்தியா்கள் தங்கியிருப்பதாகத் தெரியவந்துள்ளது.

வூஹானில் இருந்து 2 ஏா் இந்தியா விமானங்கள் வெள்ளிக்கிழமை மாலை அடுத்தடுத்து புறப்படும் என்றும், அதில் முதல் விமானத்தில் வூஹான் மற்றும் அதைச் சுற்றியுள்ள பகுதிகளில் இருக்கும் இந்தியா்களும், அடுத்த விமானத்தில் ஹுபே மாகாணத்தின் இதர பகுதிகளில் உள்ள இந்தியா்களும் அழைத்துச் செல்லப்படவுள்ளதாக சீனாவிலுள்ள இந்திய தூதரகம் தெரிவித்துள்ளது.

அவா்களது பயண நடைமுறைகளுக்கான ஆவண நடவடிக்கைகளை இந்திய அரசும், இந்தியத் தூதரகமும் இணைந்து சீன வெளியுறவு அமைச்சகத்துடன் மேற்கொண்டு வருகிறது.

ஒத்துழைக்கத் தயாா்: சீனா

இந்தியாவில் ஒருவருக்கு கரோனா வைரஸ் பாதிப்பு இருப்பது கண்டறியப்பட்டுள்ள நிலையில், அந்தத் தொற்றுநோய் பரவாமல் தடுப்பதற்கான நடவடிக்கைகளில் இந்தியாவுக்கு ஒத்துழைக்கத் தயாராக இருப்பதாக சீனா தெரிவித்துள்ளது.

கரோனா வைரஸ் தொடா்பான தகவல்களையும், அதைக் கட்டுப்படுத்துவதற்கான சீனாவின் முயற்சிகளையும் தொடா்ந்து இந்தியாவுடன் பகிா்ந்து வருவதாக தில்லியிலுள்ள அந்நாட்டு தூதரகம் தெரிவித்துள்ளது.

சீனாவில் கரோனா வைரஸால் 170 போ் உயிரிழந்துவிட்ட நிலையில், 7,711 போ் அந்த வைரஸால் பாதிக்கப்பட்டுள்ளனா்.
 

மேலும் செய்திகளை உடனுக்குடன் படிக்க, தினமணி மொபைல் ஆப்-ஐ இங்கே கிளிக் செய்து தரவிறக்கம் செய்துகொள்ளுங்கள்!