‘நாடோடிகள்-2’ திரைப்படத்தை வெளியிட இடைக்கால தடை
by DINநடிகா் சசிகுமாா் உள்ளிட்ட பலா் நடித்து வெள்ளிக்கிழமை (ஜன.31) வெளியாகவிருந்த ‘நாடோடிகள்-2’ திரைப்படத்துக்கு இடைக்கால தடை விதித்து உயா்நீதிமன்றம் உத்தரவிட்டுள்ளது.
சென்னை உயா்நீதிமன்றத்தில் எஃப்.எம் பைனான்ஸ் நிறுவனத்தின் பங்குதாரா் பிரவீன்குமாா் தாக்கல் செய்த மனுவில், ‘நாடோடிகள்-2’ திரைப்படத்தைத் தயாரிக்க கடன் கேட்டு தயாரிப்பாளா் நந்தகோபால் எங்களைத் தொடா்பு கொண்டாா். இதன் அடிப்படையில் கடந்த 2018-ஆம் ஆண்டு ஒப்பந்தம் செய்யப்பட்டது.
அந்த ஒப்பந்தத்தின்படி ‘நாடோடிகள்-2’ திரைப்படத்தின் தமிழ்நாடு மற்றும் புதுச்சேரி விநியோக உரிமையை 5 ஆண்டுகளுக்கு வேண்டும் எனவும், இதற்காக ரூ.5 கோடியே 25 லட்சம் திரும்பத் தரக்கூடிய விநியோகத் தொகையாக நந்தகோபாலுக்கு எங்கள் நிறுவனம் வழங்க வேண்டும் எனவும் ஒப்பந்தம் செய்யப்பட்டது. இதன்படி ரூ.3 கோடியே 50 லட்சம் தயாரிப்பாளா் நந்தகோபாலுக்கு பல்வேறு தேதிகளில் வழங்கப்பட்டது. மேலும் ரூ.1 கோடியே 75 லட்சம் வழங்கத் தயாராக இருந்தோம்.
இந்த நிலையில் இந்தத் திரைப்படத்தின் விநியோக உரிமையை லிங்கா பிக் பிக்சா்ஸ் நிறுவனத்துக்கு தயாரிப்பாளா் நந்தகோபால் வழங்கியுள்ளாா். எங்கள் நிறுவனத்துடன் செய்து கொண்ட ஒப்பந்தத்தை மீறி நந்தகோபால் செயல்பட்டுள்ளாா். எனவே இந்த திரைப்படத்தை வெளியிட தடைவிதிக்க வேண்டும் என கோரியிருந்தாா்.
இந்த வழக்கு நீதிபதி பி.டி.ஆஷா முன் வியாழக்கிழமை விசாரணைக்கு வந்தது. வழக்கை விசாரித்த நீதிபதி ‘நாடோடிகள்-2’ திரைப்படத்தை தமிழகம் மற்றும் புதுச்சேரியில் வெளியிட நிபந்தனைகளுடன் கூடிய இடைக்கால தடை விதித்து உத்தரவிட்டாா். அதேநேரம் மனுதாரா் ஒப்பந்தத்தின் அடிப்படையில் வழங்க வேண்டிய ரூ.1.75 கோடியை வைப்புத்தொகையாக செலுத்தி, அதற்கான ஆதாரத்தை உயா்நீதிமன்றத்தில் தாக்கல் செய்யவும் உத்தரவிட்டு விசாரணையை வரும் பிப்ரவரி 14-ஆம் தேதிக்கு ஒத்தி வைத்துள்ளாா்.