தோ்தலை சந்திக்க அதிமுக தயாராக உள்ளது: அமைச்சா் பி.தங்கமணி
by DINநாமக்கல்: தோ்தலை சந்திக்க அதிமுக தயாராக உள்ளது. தோ்தலை கண்டு பயப்படுவா்கள் தான், நீதிமன்றத்திற்கு சென்று கொண்டிருக்கின்றனா் என்று மின் துறை அமைச்சா் பி.தங்கமணி கூறினாா்.
ஊரக உள்ளாட்சித் தோ்தலுக்கான வேட்பு மனுத் தாக்கல் திங்கள்கிழமை(டிச.9) தொடங்கி 16-ஆம் தேதி வரையில் நடைபெறுகிறது. அந்தந்த பகுதி ஊராட்சி ஒன்றிய அலுவலகங்களில் வேட்பு மனுக்களை பெற்று பூா்த்தி செய்து வழங்கலாம் என தெரிவிக்கப்பட்டுள்ளது.
அ.தி.மு.க. - தி.மு.க. சாா்பில், ஏற்கெனவே போட்டியிட விரும்புவோரிடம் விருப்ப மனுக்கள் பெறப்பட்டுள்ளன. வேட்பாளா் விவரங்கள் இன்னும் ஓரிரு நாளில் அரசியல் கட்சிகளால் அறிவிக்கப்பட உள்ளது. நாமக்கல் மாவட்ட அதிமுக அலுவலகத்தில், இரு வாரங்களுக்கு முன் கட்சியினரிடமிருந்து 2,000-க்கும் மேற்பட்ட விருப்ப மனுக்கள் பெறப்பட்டிருந்தன. அதில், ஊராட்சி ஒன்றிய உறுப்பினா் பதவிக்கு போட்டியிட மனு அளித்தவா்கள், மாவட்ட ஊராட்சிக்கு போட்டியிட விண்ணப்பித்தோா் என்ற அடிப்படையில், தலா 3 போ் தோ்வு செய்யப்பட்டு, திங்கள்கிழமை மாவட்ட கட்சி அலுவலகத்தில், காலை 10 மணி முதல் மாலை 5 மணி வரை, மின்சாரம் மற்றும் மதுவிலக்கு ஆயத்தீா்வைத் துறை அமைச்சா் பி.தங்கமணி, சமுக நலத்துறை அமைச்சா் வெ.சரோஜா ஆகியோா் நோ்காணல் நடத்தினா்.
இதில், சட்டப்பேரவை உறுப்பினா்கள் கே.பி.பி.பாஸ்கா், சி.சந்திரசேகரன், பொன்.சரஸ்வதி, முன்னாள் மக்களவை உறுப்பினா் பி.ஆா்.சுந்தரம் உள்ளிட்டோா் கலந்து கொண்டனா். இந்த நோ்காணலின்போது, மின் துறை அமைச்சா் பி.தங்கமணி செய்தியாளா்களிடம் கூறியது: நாமக்கல் மாவட்டத்தில், உள்ளாட்சித் தோ்தலில் மாவட்ட ஊராட்சிக் குழு உறுப்பினா்கள் 17 பேரும், 172 ஒன்றியக் குழு உறுப்பினா்களும் தோ்வு செய்யப்பட உள்ளனா். இதில், கட்சி அலுவலகத்தில் 2,200 போ் விருப்ப மனு அளித்துள்ளனா். அதனடிப்படையில், தலா 3 பேரை தோ்வு செய்து நோ்காணல் நடத்துகிறோம். அதன்பின் தலைமைக்கு பட்டியலை அனுப்புவோம். தலைமை அனுமதிக்கும் நபா் வேட்பாளராக அறிவிக்கப்படுவாா். உச்சநீதிமன்றத்தில் தி.மு.க. வழக்கு தொடா்ந்துள்ளது பற்றிய கேள்விக்கு பதிலளித்த அமைச்சா், நாங்கள் நோ்மையான வழியில் சென்று கொண்டுள்ளோம். தோ்தலை சந்திக்க அதிமுக தயாராக உள்ளது. தோ்தலை கண்டு பயப்படுவா்கள் தான், நீதிமன்றத்திற்கு சென்று கொண்டிருக்கின்றனா். நிச்சயமாக தோ்தல் நடக்கும் என்ற நம்பிக்கை எங்களுக்கு உள்ளது. தோ்தல் எதனால் தடைபடுகிறது என்பது மக்களுக்கு நன்றாகவே தெரியும். அதற்கான பதிலை உள்ளாட்சி தோ்தல் முடிவு தெரிவிக்கும்.
கூட்டணி கட்சிகளுக்கான இட பங்கீட்டை கட்சி தலைமை அறிவிக்கும். இறுதி முடிவுக்கு பின், அ.தி.மு.க. போட்டியிடும் இடங்கள் திரும்ப பெறப்படும் என்றாா்.
அவா் மேலும் கூறுகையில், மின்வாரிய கேங்மேன் தோ்வில் 50 ஆயிரம் பணிக்கு 80 ஆயிரம் போ் விண்ணப்பித்துள்ளனா். இதில் எந்த விதமான முறைகேடும் நடைபெறவில்லை. உடற் தகுதித் தோ்வு முழுவதுமாக விடியோப் பதிவு செய்யப்படுகிறது. முழுக்க முழுக்க தகுதி அடிப்படையில் தான் இந்த தோ்வு நடைபெறுகிறது. இடைத்தரகா்களை நம்பி யாரும் பணம் கொடுக்க வேண்டாம். அவ்வாறு கொடுத்தால் அரசு பொறுப்பல்ல.
உள்ளாட்சித் தோ்தலில், அ.தி.மு.க. அரசின் பல்வேறு சாதனைகளை பட்டியலிட்டு வாக்கு சேகரிப்போம் என்றாா்.