Kun.uz | Расмий канал
МАГАТЭ раҳбари "Чернобиль" сериали тўғрисида фикр билдирди
Фото: HBO (2019)
"Чернобиль" сериали ҳужжатли фильм эмас, балки реал воқеаларга асосланган бадиий фильмдир, деди Халқаро атом энергияси агентлиги (МАГАТЭ) янги бош директори Рафаэль Гросси.
"У кўнгилочар сериал. Бироқ реал воқеаларга асосланган бадиий тўқима. У ҳужжатли фильм эмаслигини унутмаслик лозим. Одамлар бу нарсаларни кўпинча адаштириб юборишади", - деди Гросси.
Унинг фикрича, ушбу ҳалокат жамоатчилик қизиқишини уйғотишда давом этади ва бутун дунёдаги инсонлар хотирасида сақланиб қолади.
Ноябрь бошида Чернобилга сайёҳлар келиши бўйича янги рекорд ўрнатилгани, бунга "Чернобиль" мини-сериали, "электрон чипта" тизимининг жорий этилиши, қўшимча инфратузилманинг яратилиши ва янги йўналишларнинг очилиши сабаб бўлгани хабар қилинганди.