Kun.uz | Расмий канал

Шоабдумалик ота ёдгорлиги Тошкент вилоятида ўраб олинган археологик ёдгорликнинг биринчиси бўлди - ФА

https://storage.kun.uz/source/4/1R0byV4lZj0UNVOpsPwP6xOjgF89VslK.jpg

Фото: Фанлар академияси

Шоабдумалик ота ёдгорлиги Тошкентдан 40 км масофада - Оҳангарон магистралининг ёнида, Оҳангарон дарёсининг ўнг қирғоғида жойлашган.

Фанлар академиясининг хабар қилишича, ёдгорликнинг жануби - жануби-шарқида жойлашган аҳоли пункти ҳудудида кўп йиллар давомида рухсатсиз шудгорлаш ва экин экиш ишлари олиб борилган. 

2018 йилдан буён бу ерда «Олтин Мерос» халқаро хайрия жамғармасининг Тошкент вилояти бўлими ташаббуси ҳамда молиявий кўмаги билан Ўзбекистон Республикаси Фанлар академияси Археологик тадқиқотлар институти ва ЎзР ФА Тарих институти қўшма экспедиция гуруҳи томонидан кичик қидирув ишлари олиб борилди.

https://storage.kun.uz/source/4/8UrGMPpRJSpGg67dY4chG9WGiv_3wBgs.jpg

Илмий изланишлар натижасида ушбу ёдгорликда Қорахонийлар даврига оид (X-XI асрлар) турар-жой мажмуаси топилди. Ушбу ёдгорликни сақлаб қолиш учун қазилма ишлари олиб борилган умумий майдони 200 кв.м. жойнинг тепасига шип ўрнатилди. Бу Тошкент вилоятида ўраб олинган археологик ёдгорликнинг биринчиси бўлди.

https://storage.kun.uz/source/4/zkVxQqX8MHyzygM1wtwupGMEKNXMBxmt.jpg
https://storage.kun.uz/source/4/yUoinf8UXnbmjBseXko3phq-4a-LV66y.jpg

Хабарда айтилишича, Шодмалик ота мажмуаси ҳозирги шаклда туристик диққатга сазовор жой бўлиб, унга Шодмалик ота мақбараси, археологик жой - очиқ осмон остидаги музей ва стационар археологик база киради. Келажакда Шодмалик ота мажмуаси негизида археологик музей қурилиши режалаштирилган.