Гаттузо чоршанба куни мураббийликка қайтади

"Наполи" яқин вақтларда бош мураббийини ўзгартиради.

"CalcioNapoli24" хабарига кўра, чоршанба куни клуб Карло Анчелоттининг истеъфосини эълон қилади. Қайд этилишича, жамоанинг ЕЧЛ доирасида "Генк"ка қарши ўйини натижаси бу қарорга ўз таъсирини ўтказмайди.

Олдинроқ "Tuttosport" нашри Женнаро Гаттузо "Наполи" билан музокаралар олиб бораётгани борасида маълумотлар берилганди. Катта эҳтимол билан у чоршанба куни неаполликлар устозига айланади.

Эслатиб ўтамиз, "Наполи" сўнгги 9 ўйинда бирорта ғалабага эришмади.

Манба : CalcioNapoli24