ఐఫోన్ 9గా రానున్న ఐఫోన్ ఎస్‌ఈ2..?

సాఫ్ట్‌వేర్ సంస్థ ఆపిల్ తన ఐఫోన్ ఎస్‌ఈకి కొనసాగింపుగా ఐఫోన్ ఎస్‌ఈ2ను విడుదల చేస్తుందని గతంలో వార్తలు వచ్చిన విషయం విదితమే. అయితే ఐఫోన్ ఎస్‌ఈ2ను ఐఫోన్ 9గా విడుదల చేయాలని ఆపిల్ భావిస్తున్నదట. ఈ క్రమంలోనే ఐఫోన్ 9లో 4.7 ఇంచ్ డిస్‌ప్లే, ఆపిల్ ఎ13 బయానిక్ చిప్, 3జీబీ ర్యామ్ తదితర ఫీచర్లను అందిస్తారని తెలిసింది. ఇక ఐఫోన్ 9ను 2020 మార్చిలో విడుదల చేస్తారని తెలిసింది. అయితే ఈ విషయంపై ఆపిల్ ఇంకా స్పష్టతనివ్వలేదు. దాని గురించి త్వరలో వివరాలు తెలిసే అవకాశం ఉంది..!