Ақтауда көз жұмған нәрестені бірінші рет бала күтушісіне қалдырыпты

Қандай да бір дерті бойынша нәресте дәрігер тіркеуіне алынбаған.

Ақтауда қайтыс болған бір жасар сәби қандай да бір дерті бойынша дәрігердің тіркеуінде болмаған. Бұл туралы Маңғыстау облысының денсаулық сақтау басқармасындағылар айтты, деп хабарлайды zakon.kz "Ладаға" сілтеме жасап.

6 желтоқсанда жедел жәрдем станциясына бір нәрестенің ес-түссіз жатқандығы туралы қоңырау келіп түсті. Бригада 27 мөлтек ауданына шұғыл жетті.

- Жедел жәрдем сағат 14:11-де шақырылған мекен-жайға барды. 2018 жылғы баланың биологиялық өлімі тіркелді. Бала бірінші рет бала күтушісіне қалдырылыпты. Қандай да бір дерті бойынша нәресте дәрігер тіркеуіне алынбаған, - дейді қалалық денсаулық сақтау басқармасының баспасөз қызметі.

Жедел жәрдемдегілер баланың денесінен зорлық-зомбылық белгілері табылмағанын айтты. Өлімнің себебі тағайындалған сот-медициналық сараптама жүргізіліп, нәтижесі шыққанда жарияланады.

Бұған дейін Ақтауда бір жасар баланың көз жұмғаны хабарланған болатын. Оны ата-анасы бала күтуші әйелге қалдырып кеткен. Кейіннен әйелдің пәтерді Ақтау қалалық білім бөліміндегілер жеке балабақша ретінде тіркелмегенін анықтады.