ប្រធានអាដហុក អំពាវនាវឲ្យអ្នកនយោបាយលះបង់ចោលគំនិតអស្មិមានះ
by ញឹម សុផលនៅក្នុងឱកាសនៃទិវាសិទ្ធិមនុស្សអន្តរជាតិខួបលើកទី៧១ នៅដែលនឹងប្រព្រឹត្តទៅនៅថ្ងៃទី១០ធ្នូស្អែកនេះ លោក ធន សារ៉ាយ ប្រធានសមាគមការពារសិទ្ធិមនុស្សអាដហុក បានថ្លែងតាមបណ្តាញសង្គម ហ្វេសប៊ុកនៅថ្ងៃនេះថា ប្រធាពលរដ្ឋខ្មែរមានការយល់ដឹងអំពីគោលការណ៍សិទ្ធិមនុស្ស និងលទ្ធិប្រជាធិបតេយ្យកាន់តែច្រើន ដូច្នេះអ្នកនយោបាយមិនត្រូវវាយតម្លៃទាបពេកពីការយល់ដឹងរបស់ប្រជាជន។ នៅក្នុងវីដេអូឃ្លីបរយៈពេលប្រមាណ៧នាទី លោក ធន សារ៉ាយ បានលើកឡើងពីការគោរពសិទ្ធិមនុស្ស និងលទ្ធិប្រជាធិបតេយ្យ ដែលមានការប្រាសចាក ជាហេតុធ្វើឲ្យប្រទេសកម្ពុជាទទួលការឈឺចាប់ដូចដែលបានកើតមានពីអតីតកាលស្រាប់។ លោកបន្ថែមថា ការគោរពសិទ្ធិមនុស្ស និងប្រជាធិបតេយ្យឲ្យបានត្រឹមត្រូវ មិនមែនជាការធ្វើតាមការបង្គាប់បញ្ជារបស់ប្រទេសណាមួយឡើយ។
សូមស្តាប់ប្រសាសន៍ លោក ធន សារ៉ាយ៖ 09/12/2019