Пятро Маркелаў арыштаваны на 14 сутак

09 Dec 2019, 13:16 by NN.by

Грамадскі актывіст Пятро Маркелаў арыштаваны на 14 сутак — сем сутак за дробнае хуліганства і сем сутак за непадпарадкаванне службовай асобе.

Пра гэта паведаміла ў сваім фэйсбуку Вікторыя Фёдарава, старшыня «Прававой ініцыятывы».

Гісторыя датычыць 17 лістапада, калі Маркелаў быў назіральнікам на парламенцкіх выбарах. Яго тады затрымалі, але адпусцілі да суда.