Nije boargemasters Noardeast-Fryslân en Amelân no offisjeel beneamd
by Omrop FryslânDe beneamingen fan de oansteande boargemasters Johannes Kramer en Leo Pieter Stoel binne by keninklik beslút goedkard. Dat betsjut dat de gemeente Noardeast-Fryslân mei Kramer en Amelân mei Stoel begjin jannewaris offisjeel nije boargemasters hawwe.
Foto: ANP
Johannes Kramer, dy't de ôfrûne jierren deputearre fan de provinsje Fryslân wie, sil op 6 jannewaris úteinsette yn syn nije funksje. Leo Pieter Stoel docht dat op 16 jannewaris takom jier. Stoel wie yn it ferline wethâlder yn Súdwest-Fryslân en wurket op dit stuit noch by Aegon.
De twa manlju folgje waarnimmend boargemasters Hayo Apotheker (Noardeast-Fryslân) en Gerard van Klaveren (Amelân) op.