Сағынтаев Күдебаевтың ұлының ісіне қатысты пікірін білдірді

Барлығы объективті болуы керек, сарапшы-мамандар береді бағаны, соған сай сот өз қалауына қарай шешім шығарады - Сағынтаев.

Алматы қаласының әкімі Бақытжан Сағынтаев Алматы қалалық полиция басқармасы бастығының ұлы Нұрсұлтан Күдебаевтың ісіне қатысты өз көзқарасын білдірді, деп хабарлайды zakon.kz.

- Мұны сарапшылар айтуы керек. Кездейсоқ қайғылы жағдай, солай болды енді, бүтін отбасы әкесінен әрі баласынан айырылды. Қазір дәрігерлердің әрекеттеріне менің қандай-да бір баға беруім дұрыс болмайды. Барлығы объективті болуы керек, сарапшы-мамандар береді бағаны, соған сай сот өз қалауына қарай шешім шығарады. Менің бұл іске баға беруге қақым жоқ, - деді Сағынтаев ОКҚ-да өткен брифингінде.

Еске сала кетсек, 2019 жылдың шілдесінде Нұрсұлтан Күдебаев жол-көлік апатына ұшырап, №4 ауруханаға жеткізіліп, сонда ота жасалды. Одан кейін Германияға жеткізіліп, 2019 жылы тамыз айының аяғында сонда қайтыс болды. Ол Алатау ауданы прокурорының орынбасары қызметін атқарған. Нұрсұлтан Күдебаевтың артында үш баласы қалды.

Бұдан кейін бірден Алматыдағы №4 аурухананың екі дәрігері қамауға алынған. Қанат Тезекбаевтың әйелі Президентке ашық хат жолдап, ол босатылды. Тағы бір анестизолог дәрігер Асқар Тұңғышбаев қамауда. Тергеу ісі жүріп жатыр.

Бұл істі Қасым-Жомарт Тоқаев ҚР Президент әкімшілігіне, ҚР Денсаулық министрлігіне және Алматы әкіміне жеке қадағалауға алуды тапсырған.