Magtutudlo nga mipatan-aw og ‘porn’ sa mga tinun-an mi resign

Mi resign kagahapon ang wala panganli nga magtutudlo human gikataho ang pagpatan-aw og “pornographic” TV show sa mga Grade 10 student isip kabahin sa sex education sa usa ka science class.

Gikompirmar hinuon sa tagdumala sa Pili National High School sa Ajuy, Iloilo nga kabahin sa subject curriculum ang pagtan-aw sa usa ka episode sa “A Girl’s Guide to 21st Century Sex” sa science class, mi-resign na lang ang magtutudlo “para magkaroon ng peace of mind.”

Usa ka educational TV series ang “A Girl’s Guide to 21st Century Sex” nga nagtuki sa mga topic sama sa delayed orgasm, premature ejaculation, masturbation, ug uban pa.

Matud usab ni Ajuy Mayor Jett Rojas sa Manila Bulletin, nga angayang tan-awon sa managhinigugmaay ang series apan dili kini alang sa mga teen student.

Sa wala pa mi-resign ang magtutudlo, gipaimbistigar na sa Department of Education ang maong insidente.