DOF, mipirma og loan agreement sa World Bank alang sa 4Ps

Gipirmahan ni Finance Secretary Carlos Dominguez ang US$300 milyon nga utang sa World Bank (WB) aton pondohan ang Pantawid Pamilyang Pilipino Program (4Ps) ug kahatagan ug tabang ang mga kabus hangtud sa 2022.

Si Dominguez ug si WB country director Mara Warwick ang mipirma sa kasabutan alang sa Second Social Welfare Development and Reform Program.

Matud sa Department of Finance (DOF), 4.2 milyon ka pamilya ang makapahimolus sa 4Ps program ug makatabang kini sa 8.7 milyon nga mga bata.

Sukad gisugdang paluyohan sa WP ang programa nga 4Ps moabot na sa US$1.26 bilyon ang gipautang niini sa Pilipinas alang sa mga kabus.

Matud sa DOF, panindotun ang dugang pundo ang pagpatuman sa programa lakip na ang monitoring niini.

Dugang pa ni Dominguez, nga tumong sa administrasyong Duterte nga tungaon ang gidaghanon sa mga kabus nga Pilipino sa paghuman sa termino niini sa 2022.